यस कारण अवार्ड समारोहमा जाँदैनन् आमिर खान, खुल्यो रहस्य

नयाँ दिल्ली । बलिउड निर्देशक राम गोपाल वर्मा पछिल्लो समय आफ्नै ट्विटका कारण चर्चामा रहेका छन् । केही दिन पहिले अभिनेता टाइगर श्रफप्रति उनले गरेको ट्विटको विरोध भएको थियो ।

टाइगर पछि अब रामगोपाल मिस्टर परफेक्निष्ट आमिर खानतिर लक्षित भएका छन् । भारतको राष्ट्रिय अवार्डका साथै भारतीय फिल्म अवार्डस्को आलोचना गर्दै राम गोपालले भनेका छन् – 'चर्चित अभिनेता, निर्देशक तथा निर्माता आमिर खान भारतको कुनै पनि अवार्ड समारोहमा सहभागी हुँदैनन्, त्यसैले पनि यस्ता अवार्ड समारोहको स्तर थाहा हुन्छ । '


बलिउडमा सबैभन्दा गुणस्तरीय सिनेमा बनाउने आमिर खानलाई कुनै पनि अवार्ड समारोहले मूल्यांकन गर्न नसक्ने भएकाले यस्तो कार्यक्रममा उनको उपस्थिती नहुने भन्दै राम गोपालले ट्विट गरेका हुन् ।